تاريخ مصر القبطيه

اريخ مصر القبطيه هو مرحله مهمه من مراحل تاريخ مصر ابتدت فى القرن الأول الميلادى ، لكن رغم كده فجذور الثقافه القبطيه بتمتد لعصور مصر الفرعونية
اللغة القبطية اللى لسه بتستخدم لغاية النهارده فى طقوس الكنيسة المصرية القبطية هى أخر مرحله من مراحل تطور اللغه المصريه القديمه اللى كان المصريين بيكتبوا و بيقروا بيها من 5000 سنه ، و استمر المصريين يستخدموا لغتهم القبطيه لكذا قرن بعد دخول العرب
مصر ، و لسه لغاية النهارده كلمات كتيره من اللغه القبطيه بتستخدم و لسه
الفلاح المصرى مسيحى أو مسلم بيستعمل التقويم القبطى فى تنظيم زراعة أرضه. و
بيظهر بوضوح تأثير التراث المصرى القديم فى الفن و الأدب القبطى. و تاريخ
اقباط مصر بمفهومه الاثنولوجى (العنصرى) و مفهومه الثيولوجى (الدينى) هو
تاريخ مصر اللى مر على كل المصريين من بداية تاريخ مصر و لحد النهارده ،
لكن اكمن الاقباط بالمفهوم الدينى عدت عليهم احداث تاريخيه خاصه بيهم فليهم
برضه تاريخ خاص ، صحيح هو تاريخ مصر لكن انعكاساته عليهم كانت مختلفه عن
انعكاساته على بقية المصريين. فى الواقع تاريخ مصر هو تاريخ الأقباط حيث
انهم عاصروا كل العصور و المراحل التاريخيه اللى سادت على أرض مصر من ايام
الفراعنه لحد النهارده.